SERAT JOYOBOYO

SERAT JOYOBOYO

Mbesuk yen wis ono kereto tanpo jaran (mobil)
Tanah Jawa kalungan wesi (rel kereta api)
Prahu mlaku ing nduwur awang-awang (pesawat)
Kali ilang kedhunge , pasar ilang kumandhange
Iku tandha yen  tekane jaman Joyoboyo wes cedhak

Bumi soyo suwe soyo mengkeret
Sekilan bumi dipajeki
Jaran doyan mangan sambel
Wong wadon nganggo wusana lanang
Iku tandhane yen wong bakal nemoni wolak-waliking jaman

Akeh janji ora ditetepi
Akeh wong wani nglanggar sumpahe dhewe
Menungso podho seneng nyalah
Ora ngendahake hukum Allah
Barang jahat diangkat-angkat
Barang suci dibenci
Akeh menungso mung ngutamakke dhuwit
Lali kamanungsan
Lali kabecikan
Lali sanak kadhang

Akeh bopo lali anak
Akeh anak wani nlawan ibu
Nantang bopo
Sedulur podho cidro
Kulawarga podho curiga
Konco dadi mungsuh

Akeh menungso lali asale
Ukuman ratu ora adil
Akeh wong pangkat seng jahat
Wong apik-apik podho kapencil
Akeh wong nyambut gawe apik-apik podho ngroso isin
Luwih utomo ngapusi
Wegah nyambut gawe

Kepingin urip mewah
Ngumbar nafsu angkoro murko
Ngedhedhake duroko
Womg bener thenger-thenger
Wong salah malah bungah
Wong apik ditampik-tampik
Wong jahat munggah pangkat
Wong agung kasinggung
Wong wadon ilang kawiragane
Wong lanang ilang kaprawirane

Akeh wong lanag ora nduwe bojo
Akeh wong wadon ora setyo marang bojone
Akeh ibu podho ngedol anake
Akeh wong wadon ngedol awake
Akeh wong ijol-ijolan bojone

Wong wadon nunggang jaran
Wong lanang linggih plangki
Rondho seuang loro
Prawan seaga lima
Dhudho pincang laku sembilan uang
Akeh wong ngedol elmu
Akeh wong ngaku-aku
Njobone putioh njerone dhadhu
Ngakune suci
Nanging sucine palsu

Akeh bujuk akeh lojo
Akeh udan salah mongso
Akeh prawan tuwo
Akeh rondho ngelairake anak
Akeh jabang bayi lair ngoleki bapake

Agomo akeh sing nantang
Prikamanungsan soyo ilang
Omah suci dibenci
Omah olo soyo dipujo
Wong wadon lacur ing ngendi-endi
Akeh laknat
Akeh pengkhianat

Sing kebat kaliwat
Sing telah sambat
Sing gedhe kesasar
Sing cilik kepleset
Sing anggak ketunggak
Sing wedi mati
Sing nekat mbrekat
Sing jerih ketindhih
Sing ngawur makmur
Sing ngati-ati ngrintih
Sing ngedan keduman
Sing waras nggagas

Wong tani ditaleni
Wong dora uro-uro
Ratu ora netepi janji , musno panguwasane
Bupati dadi rakyat
Wong cilik dadi priyayi
Sing mendele dadi gedhe
Sing jujur ajur
Akeh omah ing nduwur jaran
Wong mangan wong
Anak lali bapak
Pedagang adol barang soyo laris
Bondhone soyo ludes
Akeh wong mati kaliren ing sisihe pangan

Akeh wong nyeke;l bondho nanging uripe sengsoro
Sing edan biso dandan
Sing bengkong biso nggalang gedhong
Wong waras lan adil uripe ngrantes lan kepencil

Ono peperangan ing njero
Timbul amarga para pangkat akeh sing salah tompo

Pitutur jowo asli iki ojo dilalekno
Urip iku mung sedhelo